Ntirho wa kahle wa xikhongelo i ku va xikhongelo xi endla timbilu ta hina ti amukela hi ntumbuluko ku fana ni loko ku pfuleka xiluva. Ku tshika xiluva xi pfuleka no buloma i swa nkoka eka vutomi bya xona; kutani loko hi miyela no kala hi nga bi huwa, mbilu ya hina ya pfuleka, Moya lowo Kwetsima wu ehlela evuton’wini bya hina. Leswi hi swona leswi hi tumbuluxeriweke swona. John Main OSB (1926-1982).

“Nkayakayo wa Vakriste” (The Christian Crisis)

Ku suka eka John Main, OSB KRISTE WA NKARHI WA SWESWI (New York: Crossroad, 1991) pp.74-76.

…..(Ku) va hi ri vapfumeri hi fanele ku dyondza ku tshika xiyimo xa ripfumelo  ra hina – hi leswaku hi sukela Vufarisi lebyi nga kona endzeni ka hina hinkwerhu – hikuva Yesu u hi dyondzise leswaku hi fanele ku sukela xiviri xa hina. Swikombiso swa xiviri xa hina loko swi huma eka nyanyuko wa miehleketo yo titwa ka hina, swi fanele ku landzuriwa no hundziseriwa loko hi fanele ku va nchumu wun’we na xiviri xa hina, swin’we na Xikwembu, swin’we na vamakwerhu va hina ehosini – hi leswaku hi ta va vanhu lava hetisekeke hi ntiyiso, lava nga na xiviri lexi hetisekeke, no titsongahata hi ku hetiseka.

Swifaniso swa hina swa Xikwembu swi fanele ku fika emakumu. A hi fanelangi ku khongela swifaniso. Hi kuma leswaku swi fika emakumu loko swifaniso swa xiviri xa hina swi fika emakumu, leswi vulaka leswaku leswi…a hi tala ku swi kumbetela swo fana ni swifaniso swa hina swa Xikwembu a hi swifaniso swa xiviri swa hina. Eka endlelo leri ro saseka ro fikelela eku tiveni Ntiyiso, ro tshika milorho, hi kuma ku rhula ko hetiseka. Hi titwa hi ri endzeni ka ku rhula ka Xikwembu. A ha ha vulavuli na Xikwembu, kambe hi vulavula na xiviri xa hina. Hi sungula ku dyondza ku va hi ri na Xikwembu, ku va hi ri eka Xikwembu. [….]

Eka vutomi bya vukhongeri swi lava matimba ya xiyimo xa le henhla ku va u tshamiseka ku tlula ku tsutsuma. Vanhu votala va heta nkarhi wo tala wa vutomi bya vona va endla swilo swo tala laha va chavaka ku miyela na ku rhula. Ku vava ko karhi ku nga hi hlasela loko hi sungula ku miyela…. Kambe loko ho va ni vurhena byo yimelana na ku miyela, hi nghena eka ku rhula loku hundzaka vutwisisi hinkwabyo.

Handle ko kanakanisa swa olova ku dyondza leswi eka vaaki lava ringanelaka no tshamiseka. Kasi eka misava leyi nga na minkitsinkitsi no kala yi nga ri na ku twisisa ku na marito ya vuxisi yo tala, lama lavaka leswaku hi ma yingisa. Kambe xivono xa Mukriste a xi amukeli leswi eka ku tikambela ka xona, eka ku lwa na ku hundzeletiwa, eka xirhambo xa xona eka hina hinkwerhu leswaku hi va ni vurhena byo va hi fikelela xiviri xa hina ku nga ri ntsena ku amukela swifaniso swin’wana swa xiviri xa hina leswi taka swi huma ehandle. [….]

Leswi un’wana na un’wana wa hina a faneleke ku swi dyondza eka ku tikambela i mhaka yo va matimba yo endzela vukhongeri ya ri kona hi ntiyiso. Swi lava ntsena hi teka goza rin’we ku tiva leswi eka ntokoto wa hina. [Nakambe] mhaka ya nkoka i ku tsundzuka leswaku goza rin’we ro hoxeka ri na nkoka ku tlula tendzo totala leti endliwaka hi ku ehleketa.