Zwithu zwavhuḓi nga ha thabelo ndi zwauri u vulea ha mbilu dzashu ndi ha mupo u tou fana na u vulea ha dzuvha. U tendela dzuvha ḽi tshi vulea ḽa titima ndi zwone zwavhuḓi zwine ra fanela u zwi ita; ngauri arali ri tshi zwi ita, arali ra dzika ra dzila ro ḓifhumulela, mbilu dzashu dzi nga si litshe u vulea, muya u nga si litshe u tevhutshela kha riṋe. Ro sikelwa zwone.

John Main OBS (1926-1982)

“Tshililo tsha Mukhriste” (The Christian Crisis)

Nga John Main OSB, KHRISTO WA ZWINO (ṋew York: Crossroad, 1991) pp. 74-76.

….  Uri ri kone u vha vhathu muya ri fanela u ḓigudisa u laṱa mafulufhelo ashu a kale- zwi ambaho, u ṱutshela vhafarisei vhane vha dzula ngomu hashu- ngauri, sa zwe Yesu a ri vhudza, ri fanela u bvula vhuvha hashu. Zwifanyiso zwashu zwoṱhe zwine zwa ri ḓela kha vhuluvhi hashu, zwi fanela u ṱutshelwa na u hangwiwa ngazwo arali ri tshi khou ṱoḓa u vha vhathihi, na Mudzimu, u vha vhathu vha vhukuma, u vha vhathu vha ngoho, u vha vhathu vho lugaho.

Zwifanyiso zwashu zwa Mudzimu zwi fanela u laṱelwa kule u fana. Ri litshe u vha vhathu vhane vha renda zwifanyiso. Zwine zwa sa pfale zwauri zwi wela kule khathihi na zwifanyiso zwashu zwa vhuṋe, zwine zwa amba uri ri tou humbulela thungo, uri zwifanyiso zwashu zwa Mudzimu zwo vha zwi zwifanyiso zwashu riṋe vhaṋe. Kha heḽi ḽifhasi hetshi tshifhinga tsha u dzhena kha Vhungoho ho fhelelaho, tsha u ḓibvisa kha zwa u humbulela, hu bvelela vhudziki vhuhulwane vhu tshi bva vhukati. Ri pfa ro tangiwa nga mulalo wa Mudzimu. A ri tsha amba nga ha Mudzimu kana ṅwedzi zwa fhasisa, ri tshi amba na riṋe vhaṋe. Ri khou guda u vha na Mudzimu, u vha ha Mudzimu. [. . . ]

Kha lwendo lwashu lwa muya ri shumisa maanḓa manzhi kha u gidima u fhira mulalo. [V]hunzhi ha vhathu vha fhedza maḓuvha avho vha tshi khou gidima vha tshi ita zwithu zwo fhambanaho lune vha shavha u dzula fhasi nga mulalo. Ri na u khakhiswa nga u tshuwa musi ri tshi ṱangana na mulalo. . ..

Fhedzi arali ra nga vha na mafulufulu a u konḓelela mulalovhudziki, ri dzhena kha mulalo une wa konḓa u pfesesea.

A zwi vhuyi zwa vhudziswa uri ri nga kona u guda hezwi fhedzi arali ri tshi dzula kha tshitshavha tsho dzikaho. Kha ḽifhasi ḽo ḓaḓaho hu na maipfi manzhi ane a fhura, zwithu zwinzhi zwine zwa ra fanela u zwi ita. Fhedzi mbonelaphanḓa ya Vhukriste a i tendi u khakhiswa kha kuvhonele kwayo kwa zwithu, u sa funa hayo khethululo, musi ri tshi rambiwa uri ri vhe na mafulufulu a u ḓifulufhela riṋe vhaṋe ra litsha u tou thetshelesa tshiṅwe tshifanyiso tshine tsha tou ḓiswa tshi tshi bva nnḓa. [. . . .]

Zwine muṅwe na muṅwe washu a fanela u zwi guda kha u meditheitha ndi zwauri maanda a lwendo lwa u dzhena mbilini a dzula a hone. Zwi tou ṱoḓa fhedzi ḽiga ḽa fulufhelo uri ri zwi ḓivhe nga zwe ra tou vhona riṋe vhaṋe. [Na] hone zwine ra fanela u zwi humbula ndi zwauri ḽiga ḽithihi ḽine ḽa timatima ḽi na ndeme u fhira nyendo nnzhi dzine ra dzi fara mihumbuloni.