Fhumulani ni ḓivhe uri ndi nṋe Mudzimu

Nga 1975 John Main (1936-1982) o vula tshikolo tsha u thoma tsha kha monasṱiri yawe ngei London. O dzumbulula sialala i sa konḓi ya yhudziki ya u meditheitha na kana u rabela kha pfunzo dza vhamonko vha Vhakhriste vha kale, vhane vha vhidzwa upfi Vhokhotsi vha Sogani. Ho swika he a zwi pfesesa uri haya maitele ha shumi fhedzi kha mimonko, fhedzi a shuma na kha vhutsilo ha zwino. O zwi vhona sa nḓila ya u vusuludza kereke na ḽifhasi.

U meditheitha zwo leluwa nahone zwi ndi zwithu zwine zwa vhonala zwi tshi khou itwa. Ndi zwithu zwine zwa vhonala zwine zwa sa tou vha zwa muhumbulo: nḓila ya vhuvha u fhirisa ya u tou humbula. Nga mulandu wa mushumo une u meditheitha ha u ita kha vhutshilo ha muthu zwi sala zwi tshi fhira na nḓila ya u tou rabela; ndi nḓila ya kutshilele, nḓila ya u tshila nga ngomu ha muthu ene muṋe kha nyimele iṅwe na iṅwe.

Musi mukhriste a tshi meditheitha u vha o sedza kha Khristo. Zwi amba uri zwi vha zwo livhanywa kha thabelo ya u rabela Khristo ine ya khou bvela phanḓa na u shelwa kha Muya Mukhethwa une wa shelwa nga ngomu ngomu ha muthu. Zwine zwa vha ngomungomu u fhirisa mihumbulo yoṱhe ya Mudzimu ndi Mudzimu ene muṋe. Zwi re ngomungomu u fhirisa u humbulela ndi Mudzimu ene muṋe. Zwenezwo, nga nḓila hei ya thabelo yo dzikaho, ri tutshela mihumbulo, maipfi na zwifanyiso zwoṱhe u itela uri “ri lugisele mihumbulo yashu Muvhuso wa Mudzimu phanḓa ha zwithu zwoṱhe”. Nga hei nḓila ri litsha u humbulela riṋe vhaṋe fhedzi ha far a vuwa ri riṋe vhaṋe kha Khristo.

“U meditheitha ndi tshone tshipiḓa tshine tsha khou ṱahela kha vhutshilo ha tshikhriste namusi a zwi sieli nnḓa dziṅwe tshaka dza thabelo nahone i a engedza ṱhonifho ya dzisakaramennde na maṅwalwa.” LAURENCE FREEMAN OSB

“Fhumulani ni ḓivhe uri ndi nṋe Mudzimu”

U meditheitha ndi u fhumula ha muya na muvhili. Naho hu na zwikhakhisi zwinzhi zwa ḽifhasi ḽa musalauno, u fhumula hohu hu a konadzea kha vhathu na namusi. Fhedzi uri ri kone u swikelela hohu u fhumula, ri fanela u kumedzela tshifhinga tshashu kha mushumo hoyu wa vhudziki.

Nḓila ine ra ita ngayo hoyu mushumo ndi ya u bula mafhungo mapfufhi, kana maipfi a thabelo, ane ano maḓuvha a vhidzwa upfi mantra

Mantra i tou vha nḓila yo ḓalaho fulufhelo ine ya shumiswa kha u ḓidzhenisa nga ngomu ha iwe muṋe, maitele a u ḓivhisa kha mihumbulo na thaidzo dzashu. U meditheitha zwi ḓisa mulalo kha muvhili, muhumbulo na muya.

Hei ndi yone ndivho ye ra i ṋewa kha maṅwalo: “Fhumulani ni ḓivhe uri ndi nṋe Mudzimu”. Musi ri tshi meditheitha ri bvisa luvhone lwa u tola vhuvha hashu kha riṋe vhaṋe. A ri khou humbula kana u amba nga ha Mudzimu na luthihi. Ri lingedza u ita zwithu zwine zwa vha zwihulwanesa: Ri lingedza u vha na Mudzimu, u dzhena muhumbuloni wa Khristo.

Ri ya fhira na mihumbulo, na mihumbulo mikhethwa. U meditheitha a zwi sedzi kha u humbula fhedzi zwi sedza kha vhuvha. Ndivho yashu kha thabelo ya TshiKhriste ndi ya u tendela uri vhuhone vhu mangadzaho ha Mudzimu vhune ha dzula vhu hone ngomu hashu vhu vhe zwithu zwa ngoho zwine zwa ṋea tshivhumbeo na ndivho kha zwoṱhe zwine ra vha zwone na zwine ra ita. Mushumo wa u thoma une ra u ita musi ri tshi meditheitha ndi u ita uri mihumbulo yashu fhumule, i dzike na u awela.

Lwendo lwa u dzhena mbiluni nga thabelo

U meditheitha ndi lwone lwendo lwa u dzhena mbiluni yavho. U dzhena kha vhudziki hayo zwi sumbedza u guda u tokomelwa. Zwenezwo ri fanela u vha na lutendo lu no nga lwa ṅwana. Nga lutendo na u konḓelela, u meditheitha zwi swikisa ngomu ngomu tshivhindini tsha vhudziki. Ri dzhena fhethu hukhethwa ha mudzimu nga nṱhani ha hovhu vhudziki. U vhidzelwa kha thabelo ndi u ḓibvula riṋe vhaṋe ra ḓiṱanganyisa na Mudzimu. Muṅwe na muṅwe washu u vhidzelwa kha hetshi tshipikwa ngauri ndi zwone zwine zwa ita uri muthu a vhe muthu o fhelelaho. Zwine zwa ṱoḓea kha riṋe ndi u zwi ita nga u fulufhedzea u itela uri kuhumbulele kwa Khristo ku vhe zwithu zwine ra guda khazwo matshiloni ashu.

U meditheitha ndi zwine Vhakriste vha kale vha zwi vhidza uri “thabelo yo kunaho”. Ndi tshifhiwa tshi re na luvhonela tshine ra fanela u tshi guda zwavhuḓi. Musi ri tshi thoma ri nga si pfesese tshoṱhe zwine zwa amba zwone. Fhedzi tshifhinga tshoṱhe musi ri tshi meditheitha ri namba ri tshi khou dzhena kha ngoho. Ngauri zwi ita uri ri vhe na lufuno nga ngomu hashu, zwi ri ita uri ri vhe vhathu vha re na lufuno kha vhushaka hoṱhe vhune ra vha naho. U meditheitha ndi mutheo wa vhuḓifari havhuḓi na vhulenda.

Ṋamusi, ri fanela u vusuludza tshipiḓa tsha vhutshilo tshine tsha sumbedza mulalo une wa vha wone mudzi wa vhuvha hashu. Zwenezwo, ri tshi meditheitha ḓuvha ḽiṅwe na ḽiṅwe a ri iteli riṋe vhaṋe fhedzi. Nga u ri ita uri ri vhe vhaḓisi vha mulalo, u meditheitha vhuyedza vhathu vhoṱhe.