Iketle mme o itse fa ke le Modimo

Ka 1975 John Main OSB (1926 – 1982) o ne a bula Tikwatikwe ya ntlha ya Meditheišene wa Bokeresete kwa monasetering wa gagwe kwa London. O ne a dirisa mokgwa o o bonolo wa thapelo e e didimetseng wa monagago go tswa mo dithutong tsa pele tsa dimonko tsa Bakeresete, ebong Desert Fathers. Go ne ga totobala mo go ene gore mokgwa o o tsamaelana le segompieno e seng mo dimonkong fela. O ne a bona fa e le tsela ya tsosoloso ya kereke le lefatshe.

Meditheišene o bonolo e bile o a diragala. Ke ka ga maitemogelo go na le kakanyo: tsela ya go nna jalo go na le go nagana. Ka lebaka la tiro e meditheišene e nang le yone mo botshelong jwa motho, e feta mokgwa wa thapelo; ke tsela ya botshelo, tsela ya go tshela go tswa kwa botennye jwa motho mo maemong mangwe le mangwe.

Mo meditheišeneng Mokeresete o lebile Keresete. Se se kaya gore e lebile thapelo ya ga Keresete ka go tswelela go tshela tumelo mo go moya o o Boitshepo mo botennye jwa motho mongwe le mongwe. Mo botennye jwa dikakanyo tsotlhe tsa Modimo ke Modimo ka boene. Mo botennye jwa kgopolo ke bonnete jwa Modimo. Ka jalo, ka tsela e ya thapelo e e itshekileng re lebala megopolo yotlhe, mafoko le ditshwantsho gore re “beye ditlahloganyo tsa rona mo Pusong ya Modimo pele go tshotlhe”. Ka tsela e re tlogela boikgopolo jwa rona kwa morago gore re swe e bile re tsoge re na le boammaruri mo go Keresete.

“Meditheišene ke ntlha e e tlhokagalang thata mo botshelong jwa Sekeresete gompieno. Ga e kgetholole mekgwa e mengwe ya thapelo mme e tiisa go lebelela disakaramente le lefoko.” LAURENCE FREEMAN OSB

“Iketle mme o itse fa ke le Modimo”

Meditheišene ke ka ga go emisa moya le mmele. Ntle le dikgoreletsi tsotlhe tsa lefatshe la ga jaana, tidimalo e e a kgonagala mo bathong gompieno. Fela go fitlhelela tidimalo e re tshwanetse go neela nako mo tirong ya tidimalo.

Mokgwa oo re dirang tiro ke ka go bitsa temana e khutshwane, kgotsa lefoko la thapelo, le gompieno le bitswang mantra. Mantra ke tsela e e tletseng tumelo ya go leba kwa godimo ga rona, mokgwa wa go re isa kwa kgakala le menagano le matshwenyego a rona. Tiragatso e ya meditheišene jaanong e nna kagiso mo mmeleng, tlhaloganyong mo mmeleng.

Se ke maikaelelo a a tlhagisitsweng mo Lokwalong: “Iketle mme o itse fa ke le Modimo.” Mo meditheišeneng re tima lebone la go batlisisisa mogopolo wa rona. Ga re nagane gkotsa go bua le Modimo le e seng. Re rata go dira sengwe se segolo thata: re rata go nna le Modimo, go nna mo monaganong wa ga Keresete. Re dira go feta menagano. Meditheišene ga se fela ka ga go nagana mme ka ga botho. Maikaelelo mo thapelong ya rona ya Sekeresete ke go letlago nna teng go go gagamang e bile go didimetse ga Modimo yo o setseng a le teng mo gare ga rona go nna bonnete jo bo neelalang ka bokao, popego le maikaelelo a tsotlhe tse re leng tsone le tse re tlang go di dira. Tiro ya ntlha ya meditheišene, ka jalo, ke go tlisa mogopolo wa rona o o kgoreletsegileng gore o se tsikinyege, o didimale le go nna bonolo.

Philgrimeiji ya Thapelo

Meditheišene ke philgrimeiji ya tlhamalalo go ya kwa botennye jwa gago, go ya kwa pelong ya gago. Go fitlhelela bonolo jwa teng go raya go ithuta boitshwaro. Ka jalo re tlhoka tumelo go nna jaaka bongwana. Ka tumelo le bopelotelele meditheišene o isa kwa tidimalong e e kwa botengteng. Ke mo tidimalong e moo re tsenang mo masaitseweng a Modimo. Taletso ya thapelo ya sekeresete ke go ikgolola mme re kopane le Modimo. Mongwe le mongwe o biletswa kwa phitlhelelong e ka nna ya fa e le botlalo jwa botshelo. Re re se tlhokang ke bonolo jwa go dira ka tumelo gore tlhaloganyo ya  ga Keresete e nne maitemogelo a motheo mo matshelong a rona otlhe.

Meditheišene ke se Bakerese ba pele ba se bitsang “thapelo e e itshekileng”. Ke mpho e e  boteng e re tshwanetseng go ithuta yona ka iketlo. Mo tshimologong re ka se tlhaloganye bokao jwa teng ka botlalo. Fela nako nngwe le nngwe fa re meditheita re tsena mo bonneteng ka botlalo. Ka gonne e re isa kwa loratong le le kwa botennye ga dipelo tsa rona, e dira gore re nne batho ba ba lorato mo dikamanong tsa rona tsotlhe. Meditheišene ke motheo wa maitsholo a mantle le boitekanelo.

Gompieno, re rata go busetsa ka bonako ntlha ya botshelo e e bontshang kagiso e e leng teng mo botennnye jwa rona. Ka jalo, go dira meditheišene letsatsi le letsatsi ga se go direla rona fela. Ka go re dira gore re nne badiri ba kagiso, meditheišene e tswela mosola batho botlhe.